𝐌𝐀𝐋𝐈𝐆𝐀𝐘𝐀𝐍𝐆 𝐈𝐊𝐀-𝟏𝟐𝟕 𝐀𝐍𝐈𝐁𝐄𝐑𝐒𝐀𝐑𝐘𝐎 𝐍𝐆 𝐀𝐑𝐀𝐖 𝐍𝐆 𝐊𝐀𝐋𝐀𝐘𝐀𝐀𝐍!

June 12, 2025

Kasama ang bawat San Juaneño, buong dangal at pusong nakikiisa ang Pamahalaang Bayan ng San Juan sa pangunguna ni MAYOR ILDEBRANDO D. SALUD, Vice Mayor Anthony L. Marasigan, at Sangguniang Bayan Members, sa pagdiriwang ng ika-127 anibersaryo ng Kalayaan ng Pilipinas.

Ginugunita natin ngayong ika-12 ng Hunyo ang kabayanihan at sakripisyo ng mga bayaning lumaban para sa ating kalayaan, dangal, at kasarinlan. Sa bawat pagwagayway ng ating watawat, muli nating ipinapahayag ang ating pagmamahal sa bayan at ang ating pananagutan bilang malaya at makabayang mamamayan.

Patuloy ang pagsusulong ng Pamahalaang Bayan ng San Juan ng kalayaang may katarungan, pagkakapantay-pantay, at tunay na paglilingkod sa bawat San Juaneño. Sama-sama nating itaguyod ang mas maliwanag na kinabukasan para sa susunod na henerasyon.

𝗦𝗔𝗠𝗔-𝗦𝗔𝗠𝗔 𝗡𝗔𝗧𝗜𝗡𝗚 𝗜𝗣𝗔𝗚𝗗𝗜𝗪𝗔𝗡𝗚 𝗔𝗡𝗚 𝗔𝗧𝗜𝗡𝗚 𝗞𝗔𝗟𝗔𝗬𝗔𝗔𝗡!